[Lezoarren zerrendarekin] 90 lezoar, euren plazan pozik
Atzoko Lezo-Jaizkibelen helmugara iritsi ziren 317 lasterkarietatik 90 lezoarrak izan ziren. Hemen haien zerrenda.
Ander Iñarra eta Maddi Marquet izan ziren atzo lezoar azkarrenak hamaikagarren Lezo-Jaizkibelen. Haiez gain, ordea, beste 88k egin zuten 14,2 kilometroko ibilbidea (osotara 317 korrikalariek bukatu zuten lasterketa). Zalantzarik ez da haientzat izan zirela bai ibilbidean baita irteera-helmuga jaso zituen Gurutze Santuaren plazan txalorik eta babes oihurik ozenenak. Nola ez, partaide guztiek jaso izan zituzten animoak, baina herritarrek toki berezia izan zuten. Lezoarren mendiko lasterketa baita Lezo-Jaizkibel, bai korrikalarien aldetik, zein herriak probari ematen dion bultzada aldetik ere.
HITZAk sailkapenen nagusian galbahea egin du, lezoarren berri izateko. Jarraian dagoen esteka baliatuta (PDF artxiboa jaitsiko da), ibilbide osoa egin zuten zerrenda ikus daiteke, abizenaren araberako ordenean sailkatuta. Datuak probaren denbora ofizialak bildu dituen Kronoak plataformaren webgunetik hartu ditu HITZAk (sailkapen osoa ikusteko baliatu esteka hau).
