Udaleko ohiko osoko bilkura bihar egingo dute
Diru laguntzen zuriketak; energia bulegoari buruzko hitzarmena eta udal inbentarioaren eguneraketa izango dituzte hizpide, besteak beste.
Oiartzungo Udalak jakinarazi duenez, otsaileko ohiko osoko bilkura bihar –hilak 26– egingo dute udaleko Areto nagusian. Hitzorduan, beste gauza batzuen artean, diru laguntzen zuriketak; energia bulegoari buruzko hitzarmena eta udal inbentarioaren eguneraketa izango dituzte hizpide.
Saioa arratsaldeko seietan izango da.
Osoko bilkurako gai zerrenda
- Aurreko batzarrari dagokion aktaren onarpena.
- Haurtzaro ikastolak 2024. urtean jasotako diru laguntzaren zuriketa.
- Oarsoaldea SA.ren eta Oiartzungo Udalaren arteko Eskualdeko Energia Bulegoaren zerbitzua Oiartzunen eskaintzeari buruzko hitzarmena.
- 2024. urteko udal inbentarioaren aldaketak eta eguneraketa. Akatsen zuzenketa.
- 2025-2027 Diru laguntzen Plan Estrategikoen 1. Aldaketa.
- Aldapa Behekoako igerileku txikiko ur kontsumoa erregularizatzeko eskaera.
- Oiartzungo Udala eta IZFE, SA.ren hitzarmenaren luzapena.
- Beste organoen jardueraren jarraipena.
- Eskariak eta galderak.
