Gaur hasiko da Trapujaleren festa
Lezoko inauteriak gaur arratsaldetik hasiko dira gorpuzten. Lehenik Herri Eskolan jasoko dute Trapujale, eta 19:30ean plazan.
Trapujale, Gurutze Santuaren plazara sartzeko unean. 2025ean ere Trapujale Lezora iritsiko da. Gaur. Martizkone baserrian egotetik aspertu egin da, eta festa usaina nabaritu du Lezon. Herriko Jai Batzordeak gaurtik asteartera arte ekitaldi sorta antolatu duelako. Lehenik, Lezo Herri Eskolan egingo diote harrera pertsonaiari (16:00). Ondoren, 19:30ean, herriko plaza nagusiak jasoko du Lezoko biztanle efimeroaren segizioa, eta 20:00etan Piztu Lezori aitortza egingo diote: Trapujale Taldeak erabaki du haiei aitortza egitea, 10 urteko bidean herria zeharo aberastu dutelako.
Gaur arratsaldean hasiko den mozorroen aroak asteartera arte, Asteartebeltzera arte, iraungo du. Beheko koadroan, gaurko eta biharko egitarauak.
Gaur, Ostegunzuri
- 16:00. Trapujale Txikia Lezo Herri Eskolan.
- 19:30. Trapujaleren jaitsiera, Martizkone baserritik jaitsiko da. Tomas Garbizuko ikasleek eta Alde Zaharreko Joaldunek ere parte hartuko dute.
- 20:00. Trapujale Taldeak Piztu Lezo omenduko du.
Bihar, Ostiralori
- 09:15. Lezo Herri Eskolako eta Institutuko ikasleen kalejira.
- 10:30. Lezo Herri Eskolako ikasleen ‘Jolasak’ ikuskizuna Bekoerrota kiroldegian.
- 11:15. Pasaia-Lezo Lizeoko ikasleen Trapujale Festa Gurutze Santuaren plazan.
- 17:30. Sorgin dantza eta Zirikuen kalejira Gurutze Santuaren plazatik.
- 18:30. Lezoko Dantzazaleen desfilea herritik zehar.
- 19:30. Lezoko Dantzazaleen eskutik, ‘Sorginen dantzak’ ikuskizuna Gurutze Santuaren plazan.
- 19:30. Gurutze Santuaren plazan, Traputira txapelketa.
- 20:00. Kartelada.
- 21:00. Barrikote autogestionatua Gurutze Santuaren plazan.
