Eguzki-borda gaztandegira bisita-gidatua
Errenteriako Eguzki-borda gaztandegirako bisita-gidatua antolatu dute. Hilaren 9an izango da, goizeko 11.00etan. Ordu eta erdi inguruko iraupena du eta aurrez izena eman behar da.
Eguzki Borda gaztandegian bisita gidatua egingo dute. Eguzki-borda gaztandegira (Errenteriako Zamalbide auzoa) bisita-gidatua antolatu du Gipuzkoako Parketxe Sareak. Eguzki-borda familiak Idiazabal jatorri-deiturako gazta egiten du ardi latxaren esnearekin. Ardiak ukuiluan egoten dira urritik ekainera arte, eta arkumeak azaro-abenduan jaiotzen dira. Gazta urtarrila eta ekaina bitartean egiten dute. Horregatik, garai egokia da orain ardiak eta arkumeak ukuiluan ikusi eta gazta egiteko prozesua ezagutzeko.
Josu Oiartzabalek (gaztandegiko arduradunak) gidatuko du bisita. Bisitariek ardien elikadurarekin eta zainketarekin lotutako xehetasunak ezagutuko dituzte, arkumeak ikusiko dituzte gertu-gertutik eta ardiei bazka emango diete. Jarraian, gazta egitearen prozesu osoa azalduko zaie. Amaitzeko, Eguzki-bordan egindako Idiazabal gazta dastatuko da.
Hilaren 9an izango da bisita, goizeko 11.00etan. Ordu eta erdi iraungo du.
Prezioa: Helduentzat 12 € eta haurrentzat (3-12 urte) 6 €
Izena eman eta informazio gehiagorako
Webgunea
943 49 42 48 / 688 895 068
