Txistularien ibilbidea, inauteriak girotzeko
Udal Txistulari Taldea auzoz-auzo ibiliko da inauterietako dianak girotzen. Hilaren 16an emakume langileak omentzeko hitzaldi musikatuan izango dira, eta hilaren 30ean, berriz, Herriko Plazan kontzertua eskainiko dute.
Udal Txistulari Taldeak hainbat emanaldi izango ditu martxoan zehar, inauteriak direla-eta Errenteriako auzoak alaitzeko. Tartean, herriko emakume langileak omentzeko antolatu den hitzaldi musikatua ere girotuko dute. Azken egunean, martxoaren 30, kontzertua eskainiko dute Herriko Plazan. Hauek dira programazioaren xehetasunak:
- Martxoaren 2tik 4ra: Inauterietako dianak (goizeko 08:00etatik aurrera)
Martxoaren 2, igandea: diana Pontika, Beraun, Galtzaraborda eta Alaberga auzoetan.
Martxoaren 3, astelehena: diana Gaztaño, Agustinak, Fanderia, Lartzabal eta Gabierrota auzoetan.
Martxoaren 4, asteartea: diana erdigunean.
- Martxoaren 16, igandea: ‘Berebiziko gauzak egin zituzten emakume arruntak’ hitzaldi musikatua. 12:00etan, Reina Aretoan. Maite Ruiz de Azuak jarriko dizkio hitzak hitzaldi musikatuari.
Emanaldiko protagonista Cesarea Garbuno Arizmendi enpresari errenteriarra izango da. 1846an Errenterian jaioa, Estatuko lehen petrolio-findegia zuzendu zuen, besteak beste.
Hizlaria: Maite Ruiz de Azua
Txistulariak: Udal Txistulari Taldea eta Manuel Ansorena, José Antonio Jauregui eta Alejandro Lizaso.
Sarrera librea izango da, edukiera bete arte.
- Martxoak 30, igandea: diana eta kontzertua. Erdiguneko kaleetan zehar, 09:00etatik aurrera. Dianaren ostean, 12:00etan, kontzertua emango dute Herriko Plazan.
