Inauteriak, tonu egokian
OarsoIrriak-ek musikari eta musikariei egin die oles inauterietako larunbatean. Afinazio aldetik ondo ibili dira, tonu egokian.
Errenteria-Oreretako inauterietako larunbat goizeko martxa OarsoIrriak-ek jarri du. Musika eta musikariak dira aurtengo herriko inauteriei izaera ematen ari den gaia, beraz, eguerditik aurrera egin duten kalejiran doinuen, eta zegatik ez, zarata kontrolatuaren erreinura hurbildu dira kalebueltan izan direnak. Afinazio onarekin beti, tonu egokian.
Taldeak, bakarkakoak, perkusio taldeak… Denak gidatu dituzte Bixkor txarangako kideek. Herrian zehar osteratxoa egin ondoren, eta ohitura (ona) den bezala, Herriko Plazan bildu dira denak inauteri kutsuarekin ziren Xanti eta Maialen erraldoiekin, talde argazkia ateratzeko. Merezitako bazkaria dute ondoren Merkatuzarren denek.
Jarraian, goizeko giro horren testigantza irudi eta bideo bidez. Beherago, gaurko egitaraua.
Errenteria-Oreretako inauteriak. Gaurko (larunbata) egitaraua
- 14:00. HERRI-BAZKARIA. Merkatuzarren.
- 16:30-19:30. JOLAS INTERAKTIBOAK + JUMPING. Lehendakari Agirre plazan (eguraldi txarrarekin Koldo Mitxelena ikastetxeko patioan).
- 17:00. DEIADAR TXARANGA. Erdigunean. Merkatuzarretik abiatuta.
- KARAOKEA. Koldo Mitxelena ikastetxeko patioa.
- 17:30. MARIATXI KALEJIRA. Ibilbidea: Zumardia, Pilotari kalea, Alfontso XI, Xabier Olaskoaga plaza, Koldo Mitxelena plaza, Madalen kalea, Herriko plaza. Antolatzailea: Dardara Sound Musika Elkartea.
- 18:00. BURUHANDIAK ETA ERRALDOIAK. Herriko kaleetan zehar.
- 18:30. ´MUSIKA TALDEAK´ PHOTOCALLA. Herriko Plazan.
- 18:30. DISKO FESTA. Zumardian.
- 21:30. DJ GAUA. Antolatzailea: Dardara Sound Musika Elkartea.
