Kultur aniztasunaz eta elkarbizitzaz hausnartu dute 300 ikasle eta irakaslek
Laugarren ikasturtez antolatu dute dinamika Errenteriako Udalak eta Garabidek. Emaitzarekin, oso pozik daude biak, "hezkuntza komunitatean errotzen ari delako".
Kultura aniztasuna gure eskoletan eta horren balioa komunitateen arteko elkarbizitzarako iniziatiba antolatu dute laugarren ikasturtez Errenteriako Udalak eta Garabide elkarteak, eta horren bueltan aritu dira hausnartzen 300 ikasle eta irakasle. Kultura aniztasuna balioan jarri eta komunitateen arteko elkarbizitza sustatzeko helburua du iniziatibak, “herrian eta munduan dagoen kultura aberastasuna aztertzeaz gain hizkuntzei, eta bereziki hizkuntza gutxituei leku berezia eman die”.
aurten bost ikastetxek hartu dutela parte jakinarazi du udalak: Koldo Mitxelena BHI, Egiluze ikastetxea, Cristiobal Gamon BHI, Orereta Ikastola eta Telleri Alde ikastetxea. Landutako gaien artean, berriz, komunitate kulturalen aniztasuna, globalizazioaren eragina eta tokiko kultura aberastasunaren arrazoiak, diskriminazio egoeren aniztasuna, edota hizkuntza eta kulturaren garrantzia identitatean. Saioetan ikasitakoarekin sorkuntza artistiko bat egin dute, ondoren, ikasleek, Kultura aniztasuna orri batean dinamikari esker.
Antolatzaileak pozik ikasturteak eman duenarekin, “proiektua errotzen ari da Errenteriako hezkuntza komunitateetan eta kulturartekotasunaren lanketan sakontzeko bidea zabaldu du”.
