Kamioi baten istripuagatik, Gi-20 errepidea itxita Errenteria-Orereta parean
AP-8 autobidetik, Gi-20 autobidera amildu da kamioia. Bertan ziren bi kideak onik atera dira. Garbiketa lanetan dira orain.
Istripua izan den tokia.Eusko Jaurlaritza / Trafiko Zuzendaritza Eusko Jaurlaritzako Trafiko Zuzendaritzak jakinarazi du kamioi batek istripua izan duela Gi-20 errepideko Errenteria-Oreretako zatian, Donostiarako norabidean, Agustinetatik Zamalbide aldera joateko zubiaren azpialdean gutxi gorabehera. Horren ondorioz une honetan (osteguneko 13:14an) errepidearen errailak tarteka ixten eta irekitzen ari dira, baina ibilgailuak, mantso bada ere, aurrera doaz. Goizeko hainbat ordutan erabat itxita izan da bidea. Antza, AP-8 autobidetik Gi-20ra amildu da kamioia.
Ibilgailuan zihoazen bi kideak onik atera dira, euren kabuz irten dira kamioitik, baina horietako bat ospitalera eraman dute zauri arinekin. Gertakariagatik, ordea, gasolina galtzen ari da ibilgailua, eta hori garbitu bitartean eta kamioia kendu bitartean errepidea itxita izanen dela jakinarazi du Trafiko Zuzendaritzak.
