Arrazakeriaren eta xenofobiaren aurka mobilizatuko dira hilaren 23an
'Seguru? Auzo seguruen alde' lelopean, martxak Trintxerpe eta Donostiako Alderdi Eder lotuko ditu. 11:30ean abiatuko dira, Trintxerpeko azokatik.
Argazkia: Sos Arrazakeria Gipuzkoa. Sos Arrazakeria Gipuzkoak, Medicus Mundi Gipuzkoak eta CODE elkarteek deituta, Arrazakeriaren eta Xenofobiaren aurkako XXVIII. martxa egingo da hilaren 23an (igandea). Seguru? Auzo seguruen alde lelopean, martxak Trintxerpe eta Donostiako Alderdi Eder lotuko ditu. Martxa 11:30ean irtengo da Trintxerpeko azoka ingurutik, eta Alderdi Ederrera 13:00etan iristea aurreikusi dute antolatzaileek. Mobilizazioaren helburua da gure auzoetan errespetua, elkartasuna eta berdintasuna eskatzea: “Diskriminazioak eta arrazakeriak ez dute lekurik Euskadin, eta guztiok lagun dezakegu guztiontzako ingurune seguruagoa eta bidezkoagoa sortzen”.
