Migrazio prozesuak, azalean
Zenbait migrazio prozesu ezagutu ahalko dira udal bibliotekan bertatik bertara datorren astelehenean, hilak24, Emigrad@s Sin Fronteras elkarteak antolatuta.
Zenbait migrazio prozesu bertatik bertara ezagutzeko aukera izango da astelehenean Lekuona Fabrikan. Emigrad@s Sin Fronteras elkarteak antolatuta Giza Liburutegia egingo dute, eta elkarrizketaren bidez, pertsona irakurtzeko aukera izango da 18:00etan hasita. Bertan izango diren migranteek, beren bizi esperientziak, ezagutzak partekatuko dituzte bertaratzen direnekin.
Helburua, aurreiritziak eta estereotipoak apurtzea dute iniziatibaren bidez, baita aniztasunari buruz sentsibilizatzea, elkarbizitza sustatzea, eta tokiko komunitatearen eta jatorrizko herrialdeetan eskubideen urraketa egoerei aurre egiten dieten pertsonen arteko hurbilketa sortzea ere. Elkarte antolatzaileak eraldaketa sozialak sustatzea du helburu, pertsona subjektu politiko gisa eta giza garapen iraunkorraren parte aktibo gisa aitortuta, “gizarte laguntzen eta delinkuentziaren arteko harremana desmitifikatzeko prozesuak indartzeko lanketaren barruan kokatzen da”.
Asteleheneko Giza Liburutegiak integratzeko prozesuan hainbat erronka gainditu dituzten Kolonbia, Afganistan, Maroko eta Kubako lau pertsona migranteren bizitza istorioak, “migrazio ibilbideak partekatuko dituzte, dibertsitate funtzionaletik, generotik, intertsekzionalitatetik, eta ametsetatik abiatuta”.
Bizilagunak Gipuzkoako kultura, aniztasuna eta bizikidetzaren aldeko karabana iniziatibaren barruko jardueran parte hartzera deitu ditu udalak. Zalantzarik izanez gero, 943 44 95 35 telefonoz enbakira dei daiteke. Sarrera doakoa izango da, aforoa bete arte.
