Doako sorkuntza tailerrak Herri Arte Eskolan
Herri Arte Eskolako arte plastikoetako eta ikusizkoen irakasleek antolatu dituzte tailerrak 12 eta 17 urte arteko gazteei begira.
Herri Arte Eskolako Arte plastikoen eta ikusizkoen irakasleek doako bi tailer antolatu dituzte 12 eta 17 urte arteko gazteei begira. apirilaren 5ean egingo dituzte tailer horiek, eta teknika artistiko berriak ezagutu eta Harri Arte Eskola barrutik ezagutzeko aukera emango die parte hartzea erabakitzen duten gazteei.
Tailerretako bat, inprimatutako animazioaren gainekoa izango da. Bideo laburrak garbatuko dituzte parte hartzaileek, mugimendu txikiak eginez, animazioaren oinarriak ezagutzeko. Ondoren, grabatutako irudien fotogramak inprimatuko dira eta horien gainean margotu eta marrazteko aukera izango dute. Azken emaitza talde lanean egingo duten animazioa izango da. 10:30etik 13:30era izango da tailerra, eta gehienez 10 lagun ariko dira tailerreko.
Estanpazioaren gainekoa izango da bigarren tailerra. Parte hartzaileek euren diseinua egin eta euskarri ezberdinetan probak egingo ditu gero. Ordutegia aurrekoaren bera da baita parte hartzaile muga ere.
Izena emateko epea zabalik da eta posta elektroniko bidez egin behar dute interesdunek (klik hemen).
Artearen mundua gazteei hurbiltzea du helburu Herri Arte Eskolak iniziatibaren bidez, baita sormena modu askean eta profesionalek gidatuta esploratzeko espazioa eskaini ere.
