'Enola Holmes' filma, bihar, Donibanen
Kuadrillategiko gazteek antolatu dute biharko zinema saioa. Proiekzioa Juanba Berasategi aretoan izango da, 19:00etan.

Pasaiako udal zerbitzuak, Eskubidean planaren baitan, haur eta nerabeen parte hartze saioetan proposatutako aisialdi ekintzak antolatzen ari dira, elkarlanean. Oraingoan, Kuadrillategiko gazteek zinema saio bat antolatu dute biharko (hilak 21, ostirala), 19:00etan, Donibaneko Juanba Berasategi aretoan. Proiektatuko duten filma Enola Holmes da. Sarrerak doakoak dira, eta Bibe plataforman eskura daitezke. Aretora sartu baino lehen erakutsi beharko da sarrera.