'Nahastumbury', hilaren 28an, Antxon
Bokalek antolatuta, Barrexerka konpainiaren emanaldia Antxoko Kultur Etxean izango da, 19:00etan. Sarrerak eskuragarri daude jada.
Bokaleko gazte elkarguneak antolatuta, Barrexerka konpainiak Nahastumbury antzerkia taularatuko du hilaren 28an (ostirala) Antxoko Kultur Etxean, 19:00etan. Emanaldiko sarrerak doakoak dira, baina aurrez lortu behar dira. Hilaren 21a arte (ostirala) Antxoko Dani, Kamio eta Mimos tabernetan eskuratu ahal izango dira sarrerak. Hilaren 22tik aurrera (larunbata), aldiz, Bibe plataforman lortu ahal izango dira.
Sinopsia: Pertsona batek, laguntasun batek, boligrafo batek, untxi batek, lokal batek… guztiak du bere historia. Ezberdina izaten da, ordea, benetako historia eta horretaz gogoratzen dena. Auzoko bizilagunek teoria hori egiaztatzen dute maiz, baina ezin daiteke asko fidatu haien ahotik irteten denaz. Froga gehiago behar izanez gero Nahastunbury-ra joateko gonbita luzatzen dute, non guztia argituta edo erabat nahastuta irtengo den bertaratutako pertsona.
