Asanblada feministak hartuko du Azken Ostiralaren lekukoa
Sare dinamikak eta Etxerat elkarteak antolatutako azken ostiraleko dinamikaren lekukoa mugimendu feministak hartuko du hilabete honetan. Hilaren 28an izango da azken ostiraleko mobilizazioa 19:30ean.
Hilaren 28an egingo dute Azken Ostirala. Azken Ostiraleko dinamikarekin jarraitzen dute Sare Herritarrak eta Etxerat elkarteak. Ez dira euskal errepresaliatuen aldeko bi eragileak bidea bakarrik egiten ari, herriko elkarte eta kolektibo askotarikoen eskutik ari baitira euskal preso, iheslari eta deportatuen eskubideen aldeko aldarria, eta salbuespen neurriak ezabatzeko eskaera zabaltzen lau haizetara.
Hilabete honetan, hutsik egin gabe aterako dira kalera; hilaren 28an izango da, eta honakoan, Oreretako Mugimendu Feministak hartuko du errepresaliatuen eskubideen aldeko lekukoa. Ohi bezala Herriko Plazatik abiatuko da mobilizazioa 19:30ean. Hilabete honetakoak ez ezik, ekainera arte antolatutakoen berri ere eman du Orereta-Errenteriako Sarek. Hala, apirilean, udaberriko oporrak direla eta ez dute azken ostirala egingo. Haren ordez, hitzaldia antolatu dute apirilaren 10ean Onintza Ostolaza abokatuarekin eta Beñat Uribe Etxeberria Sareko kidearekin. Ostolazak eta Uribe Etxeberriak euskal presoen egungo egoeraren berri emango dute hitzaldi horretan.
Maiatzeko Azken Ostirala, sindikatuen eskutik helduko da, eta ekainekoa berriz, Kuirdinadora eta LGTBI+ Mugimenduaren eskutik.
Orereta-Errenteriako Sarek herritar guztiak deitu ditu Azken Ostiralarekin bat egitera.
