Bihar hasiko dira bandaren mendeurrena goratzen
Pasaiako Musika Bandak mendea bete du, eta urteurren biribil horri eta bandak osatu duen ibilbideari aitortza egingo diote pasaitarrek datozen egunetan.
Pasaiako Musika Bandak mendea bete du, eta urteurren biribil horri eta bandak osatu duen ibilbideari aitortza egingo diote pasaitarrek datozen egunetan. Mendeurrenaren bueltako jarduerak asteburu honetan hasiko dira, eta den-denak Antxon izango dira. Bihar (larunbata) Jose Maria Hernandez bandako presidenteak 100 años de la Sociedad Musical Pasaitarra hitzaldia eskainiko du Antxoko Kultur Etxean, 19:00etan. Horrez gain, igandean EHUko Abesbatzak kontzertua emango du San Fermin elizan, 19:00etan.
Jarduerek hurrengo asteburuan izango dute jarraipena. Hilaren 29an (larunbata) Donostiako Udal Musika eta Dantza Eskolako Abesbatza Barrokoak kontzertua egingo du San Fermin elizan, 20:00etan. Egun handia, baina, hilaren 30ekoa (igandea) izango da. 13:00etan, Illunbe Musika Bandako ohiko kideek Ramon Rodriguezek sortutako abestiak joko dituzte. Ekitaldia Antxoko frontoian izango da, eguraldi ona egiten badu. Musika ikuskizunaren ondoren, bandako kideek bazkaria egingo dute. Azkenik, eguna biribiltzeko, 19:00etan, Vocalia taldeak kontzertua eskainiko du San Fermin elizan.
Mendeurreneko programazioa
Hilak 22, larunbata:
- Hitzaldia: 100 años de la Sociedad Musical Pasaitarra.
- Hizlaria: Jose Maria Hernandez.
- Lekua: Antxoko Kultur Etxea.
- Ordua: 19:00.
Hilak 23, igandea:
- Kontzertua: UPV/EHU Abesbatza.
- Lekua: Antxoko San Fermin eliza.
- Ordua: 19:00.
Hilak 29, larunbata:
- Kontzertua: Donostiako Udal Musika eta Dantza Eskolako Abesbatza Barrokoa.
- Lekua: Antxoko San Fermin eliza.
- Ordua: 20:00.
Hilak 30, igandea:
- Kontzertua: Illunbe Musika Banda. Bandako ohiko kideek Ramon Rodriguezek sortutako abestiak joko dituzte.
- Lekua: Antxoko frontoia (eguraldiaren arabera).
- Ordua: 13:00.
- Ondoren, bandako kideen bazkaria.
- Kontzertua: Vocalia.
- Lekua: San Fermin eliza.
- Ordua: 19:00.
