Herrerako portu bide nagusia, itxita hilaren 24tik 28ra
Bidea hilaren 24ko 08:00etatik hilaren 28ko 14:00etara bitartean moztuko dute, Aduana kaleko asfaltatze lanengatik. Soilik portuko langileek zirkulatu ahal izango dute bertatik.
Herrerako portu bide nagusia, Gomistegiko biribilgunetik Pasaiako porturako sarbideen kontroleraino doana, itxita egongo da hilaren 24tik 28ra bitartean, Pasaiako Portu Agintaritzak (PPA) Aduana kalean asfaltatze lanak egingo baititu.
Bide hori hilaren 24ko 08:00etatik hilaren 28ko 14:00etara bitartean moztuko dute, eta soilik PPAko, portuko eta kamioietako langileek zirkulatu ahal izango dute porturako noranzkoan; gainontzekoentzat itxita egongo da. Trafiko etenak direla eta, Herrera Norteko aparkalekurako sarbidea Euskadi etorbidetik egin beharko da egun horietan.
Horrez gain, PPAk aurreratu du Herrerako portuko bide nagusiko zirkulazioa behin betiko itxiko dela ekainean, portuko sarbideak hobetzeko egiten ari diren lanengatik. PPAk adierazi du aldez aurretik jakinaraziko duela errepide horrek portuko langile ez direnentzat funtzionatzeari utziko dion egun zehatza.
