Poesia lehiaketaren bigarrena, martxan
Gaur Poesiaren Munduko Egunarekin bat egin da jarri du martxan lehiaketaren bigarren ekitaldia Errenteriako Udalak.
Gaur jarri du martxan udalak poesia lehiaketaren bigarren aldia. Argazkia: Herri Bizia Poesiaren Munduko Eguna da gaur, eta egun horrekin batera zabaldu du Errenteriako Udalak Lekuona Fabrika Poesia Lehiaketaren bigarren ekitaldira lanak aurkezteko epea. Berezitasunik badu aurtengoak. Izan ere kategoria bakoitzean (euskara eta gaztelania) adin tarte desberdinetako herritarrei zuzendutako bi modalitate zabaldu dira: 16tik 35 urte bitarteko poeta gazteentzat bata, eta 36 urtetik gorakoentzat bestea.
Iaz egin moduan, aurten ere ekainean Sihara Nuño poetaren tailerrean ikasturtean zehar sortutako olerki lanekin Lekuona Fabrika antologia poetikoa argitaratuko dute; horixe da lehiaketaren sari nagusia, antologia horren parte izatea.
Oinarriei dagokienean, edonork parte har dezake, gaia librea da, gehienez ere orrialde batekoa izango da, eta parte hartzaileak adin tartea zehaztu beharko du. Lekuona Fabrikan aurkez daitezke lanak presentzialki (baldintzak kontsultatzeko klik hemen), edo emailez (klik hemen).
Lanek jatorrizkoak eta argitaragabeak izan behar dute. Irabazleak maiatzaren 12an jakinaraziko dituzte.
