Jarraipen zabala izaten ari da hezkuntza publikoko irakasleen greba
Pasaiako, Lezoko, Oiartzungo eta Errenteria-Oreretako hezkuntza publikoko irakasleak greban dira. HITZAk horren eraginaren datuak jaso ditu.
Errenteria-Oreretako Koldo Mitxelena Institutuko irakasleek goizean egin dute elkarretaratzea.Grebalariek bidalitako irudia Gaur, bihar eta etzi greba egunak dituzte hezkuntza publikoko ikastetxeetako irakasleek. Sindikatuek eta Jaurlaritzak atzo eta gaurko goizaldea artean egindako negoziazioek emaitzarik izan ez, eta greba egunak mantendu dituzte sindikatuek. Apirilaren 1 eta 2rako ere deitu dituzte borrokaldirako egunak. Oarsoaldeko ikastetxeei dagokienez, jarraipen zabala izaten ari da Steilas, LAB eta ELA eta CCOO sindikatuek deitutako mobilizazio aroa. 27.000 irakasle inguru daude grebara deituta Bizkai, Araba eta Gipuzkoan, tartean Oarsoaldeko ikastetxeetakoak.
Sindikatuek uste dute badutela grebarako motiborik. Izan ere, irakasleen egungo lan hitzarmena 2010ekoa da; hots, hamabost urte daramatzate itun berarekin. Langileen ordezkariek ikusten dute zer hobetua: besteak beste, lan zamak arintzeko neurri zehatzak adostea, erretiroa hartzeko baldintzak hobetzea, galdutako erosahalmena berreskuratzea, eta enplegu publikoa bermatu eta lanpostuak egonkortzea.
Oarsoaldeko jarraipenari dagokion datuen bilketa egin du HITZAk. Beheko koadroan tokian tokiko grebaren jarraipena. Ikastetxeetako langileen batzordeek, zuzendaritzek zein sindikatuek hedabide honetara bidal ditzakete grebaren jarraipenaren datu eguneratuak, zein egindako mobilizazioen irudiak. Horretarako HITZAren posta helbidea eta Whatsapp mezuak (678 687 125) balia ditzakete.
Pasaia
- Karmengo Ama Ikastexea: %67.
Lezo
- Lezo Institutua: %85.
- Lezo Herri Eskola: %80.
Oiartzun
- Elizalde Herri Eskola: %95 inguru.
- Elizalde Institutua: %50.
Errenteria-Orereta
- Koldo Mitxelena Institutua: %55,42
- Koldo Mitxelena Ikastetxea: %86
- Bizarain Ikastola: %38.
- Bizarain Institutua: %59.
- Cristobal Gamon Ikastetxea: %70 inguru.
- Don Bosco Lanbide Heziketa Ikastetxea: %35,12.
Cristobal Gamon ikastetxeko eta Don Bosco Lanbide Heziketa Zentroko irakasleen elkarretaratze bateratua, Errenteria-Oreretan. Irudia: grebalariek bidalitakoa.
