Bi kontzertu eta diana bat, txistu doinuz
Apirilean ere txistu doinuak izango dira Udal Txistulari taldearen eskutik; bi kontzertu eta diana bat ondu dituzte.
Errenteriako Udal Txistulari taldea. Udal Txistularien taldeak apirilerako ondu dituen emanaldien berri eman du. Apirilaren 6an izango da emanaldietan lehena, eta diana izango da 09:00etan Erdialdeko kaleetan barrena. Egun horretan bertan, kontzertua emango du Beheko kalean 12:00etan hasita, Aljarafe, Concha Rociera, Xenpelar Bertso Eskolarekin batera, Mikelazulo elkartearen laguntzarekin. Abuela Marialuisa, Mando baten gainean, Seguidillas Alosneras entzuteko aukera izango dute, besteak beste, bertaratzen direnek.
Hileko hurrengo hitzordua ere kontzertua izango da, apirilaren 30ean, 19:00etan. Kontzertu dantzaldia izango da eta Iztietako Diputazio plazan izango da. Kalejira, fandangoak, arin-arinak, muxikoak eta dantza errepertorio luzea ikasteko eta dantzatzeko aukera izango dute bat egiten dutenek.
