Gastronomiaren gorena batuko du Euskaldarrak elkarteak
Hilaren 31tik apirilaren 3ra eta apirilaren 7tik 10era egingo dute Euskaldarrak elkartearen Gastronomia Erakustaldiaren 38. ekitaldia.
Euskaldarrak elkartearen Gastronomia Erakusketa aurkeztu dute.Imanol Saiz Gomez de Segura Su txikian, mimo handiz, proposamen berritzaile bezain landuak onduko dituzte Euskaldarrak Elkartearen Gastronomia Erakusketan parte hartuko duten Oarsoaldeko elkarte gastronomikoek.
Atzo arratsean aurkeztu zuten lehiaketaren 38. ekitaldia, erakustaldia hartuko duen elkartean bertan. Aurten hilaren 31tik apirilaren 3ra eta apirilaren 7tik 10era egingo dute Oarsoaldean sukaldaritzaren erreferente bilakatu den erakustaldia. Parte hartuko duten elkarte gastronomikoak ondokoak: Lagunak, Niessen, Bizardia, Beraun Bera, Txepetxa, Ostarte, Intxorta, San Hunberto, Itsas Mendi, Arditurri, Euskaldarrak, Batasuna, Bi Errota, altzate, Bukagaitz, Yola, aldeguna, Hermanos Camino, Ixkulin, Gau Txori, eta Landare.
Kanpoko laguntzraik ezingo dute jaso sukaldariek kozinatzeko garaian, eta gainera, platera hasi eta buka, oso-osorik landu beharko dute Euskaldarrak elkartearen sukaldean. Ordutegiarekin ere zorrotzak izango dira antolatzaileak, eta lehen lehiakideek 20:309ean aurkeztu beharko dute kozinatu duten platera; bigarrenek, 20:40an eta hirugarrenek, 20:50ean.
Oroitzapen berezia atzoko agerraldi horretan iaz zendu eta gastronomia erakusketarekin lotura estua zuten Tibur Eskisabel, Jose Ignacio Apaolaza eta Francisco Lekuonari.
Laguntzaile eta babesleei eskerrak eman zizkieten atzoko agerraldian.
Ondoko bideoa, Imanol Saiz Gomez de Segurak egina da.
