Mendiko bizikletako Gipuzkoako Eskolarteko Txapelketa, Oiartzunen
Kimuen eta Haurren mailetako lehiak jasoko ditu Txara inguruko zirkuituak. Larunbat arratsaldean izango dira probak.
Iazko eskolartekoaren irabazleak.OTXE OTXE Oarsoaldeko Txirrindularitza Eskolak bertara ekarri du aurten mendiko Bizikletako Gipuzkoako Eskolarteko Txapelketa. Larunbat arratsaldez izango dira jokoan lau txapelak: bina Kimuen nahiz Haur mailakoak, neskenak eta mutilenak. Haur Mailakoen kasuan, Gipuzkoako Txapelketa orokorra ere izango da larunbatekoa.
Txara parkearen inguruan atondutako zirkuituan izango dira lau lasterketak, 1,5 kilometrokoa da zirkuitua: handik egingo dituzte irteerak, eta helmuga marra ere han jarriko dute. Lehenak ateratzen Kimu Mutilak mailakoak izango dira, 16:00etan hasita bi itzuli eman behar dizkiote ibilbideari; ondoren, 16:30ean, Haur Neskak kategoriakoen irteera izango da (hiru itzuli), eta haien segidan (16:31ean) Kimu Neskena, bi itzuli egiteko. Azken karrera Haur Mutilak mailakoena da, lau bira eman behar dizkiote zirkuituari. 15:00etan zabalduko dute izena emateko postua.
OTXEk han izango direnentzat aparkalekua prestatu du: Frantzisko Urdinola kalena egokituko dute, hilerriaren inguruko kalean.
