Informazio saio irekiak Herri Arte Eskolan
Datorren ikasturtearen gaineko informazioa emango dute bilera horietan; hilaren 31tik apirilaren 2ra bitartean izango dira.
Hastapen artistikoa Herri Arte Eskolan.Herri Arte Eskola Herri Arte Eskolak lau informazio bilera antolatu ditu datorren ikasturtearen gaineko informazioa zabaltzeko interesa duten herritarren artean. Irekiak izango dira saio horiek, ez da izena eman behar parte hartzeko, eta hilaren 31tik apirilaren 2ra artean egingo dituzte, egunero.
Astelehenean, hilak 31 izango da bilera saio horietako lehena 17:15ean, elebitan. Hastapen artistikoa diziplinari buruzko oinarrizko antolaketa pedagogikoaren aurkezpen saioa izango da. Saioa datorren ikasturtean izena eman nahi duten 4 eta 7 urte arteko haurren gurasoei bideratua egongo da.
Apirilaren 1ean izango da euskaraz, 17:15ean, bigarren saioa. Saio horretan, Herri Arte Eskolako Hezkuntza Egitasmoa orokorra, matrikulatzeko jarraibideak, bost diziplina artistikoen aurkezopena —antzerkia, arte plastikoak eta ikusizkoak, dantza, hitza eta musika— eta musika instrumentuen hautaketaren prozedura azalduko dira.
Saioa, 8 urtetik gorako ikasleen gurasoei begirakoa da. Saio bera egingo dute apirilaren 2an asteazkenarekin, baina gaztelaniaz. Azken hori ere, 17:15ean izango da. Apirilaren 2an ere egingo dute laugarren eta azken saioa; 19:00etan, eta elebitan. Horretan musika ikasketa profesionalen gaineko aurkezpena egingo dute, eta sarbideaz, eta probaz hitz egingo dute, besteak beste.
