Pasaiako Kirol Gala, apirilaren 1ean
Udalerriko kirolariei eta kirol elkarteei aitortza egiteko ekitaldia Donibaneko Juanba Berasategi aretoan izango da, 19:00etan hasita.
Iazko Kirol Galako talde ara Pasaiako kirol espresioak asko eta askotarikoak dira. Goi mailako kirolari eta klub asko dira udalerrian. Batzuk ezagunak, beste asko ez. Horiei guztiei aitortza egiteko helburua du Pasaiako Kirol Galak. Aurtengoa apirilaren 1ean (asteartea) egingo da, Donibaneko Juanba Berasategi aretoan. 19:00etan hasiko da herriko kirolariak, haien maila eta kondizioa edozein izanda ere, goresteko ekitaldia.
Pasaiako Udalak aurreratu du “sariz eta sorpresaz beteriko arratsaldea” izango dela asteartekoa. “Ez galdu aukera urteko kirolari eta kirol elkarteei zuzenean aitortza egiteko.
Juanba Berasategirako sarrera libre eta doan da. Udalak, baina, besaulkia aurrez gorde dadila eskatu die hara joan nahi dutenei. Tokiaren erreserba egiteko Pasaiako Udaleko Kirol Sailera posta elektroniko mezua bidali behar da.
