Aste Santuan, ordutegi aldaketak udal liburutegietan
Aste Santua gainean da, eta udal liburutegiek ohiko ordutegia aldatuko dute hilaren 14tik 25era bitartean.
Aste Santua gainean da, eta urtero bezala, Pasaiako Udalak liburutegietako ordutegi aldaketak iragarri ditu. Aldaketa horiek hilaren 14tik 25era bitartean izango direla jakinarazi du udalak, eta herriko lau bibliotekei eragingo diete.
Antxoko liburutegia itxita egongo da hilaren 17tik 21era. Gainontzeko egunetan, hau da, hilaren 14tik 16ra eta 22tik 25era, irekita egongo da, 10:00etatik 12:45era.
Donibaneko biblioteka itxita egongo da hilaren 14tik 21era. Hilaren 22tik 25era, aldiz, zerbitzua emango die sanjuandarrei, 10:00etatik 14:00etara.
Trintxerpeko guneak soilik hilaren 14tik 16ra bitartean irekiko ditu ateak, 10:00etatik 14:00etara. Hortaz, barruti horretako liburutegia itxita egongo da hilaren 17tik 25era.
San Pedrori dagokionean, biblioteka itxita egongo da hilaren 14tik 21era bitartean. San Pedroko liburutegiko ateak hilaren 22tik 25era bitartean irekiko dira soilik, 10:00etatik 12:00etara.
