Gaintxurizketako zubiaren ondoko bidearen lanak hasi dira
Lehenago erabiltzen zen bidea berreskuratzen ari dira. Lezoko Udalak zehaztu du 109.338 euroko aurrekontua dutela lanek.
Lezoko Udalak berri eman du Gaintxurizketako zubia eraikitzeko lanen harira Perreneraino egiten ari diren oinezkoan bideko lanak hasiak direla. Hala, auzo horretatik zubiraino joateko bide segurua izango dute inguruko biztanleek eta langileek. Lehen erabiltzen zen bidea berreskuratzen ari dira, lehenik sastrakak kendu eta garbituz, hondeaketa lanak egin, eta hormigoizko bidea egiteko. Argi puntuak eta baranda ere jarriko dute bertan. Lanek bi hilabeteko epealdia dute, eta osotara 109.338 euroko aurrekontua erabiliko da udalak zehaztu duenez.
Lan horiekin paraleloan, Gipuzkoako Foru Aldundia behin-behineko pasabide goratua eta Errekalde bailarara iristeko oinezkoen bidea egiteko prozesuan da.
