Errepublika aldarrikatuko du Pikoketa elkarteak igandean
Errepublikaren aldeko aldarria egingo dute igandean, hilak 13, Errenteria-Oreretako kaleetan. Pikoketa Errepubikazaleen elkarteak egin du deialdia.
2018ko errepublika eguna. Argazkia: Pikoketa Elkartea Errepublikaren aldeko aldarria egingo dute igandean, hilak 13, Errenteria-Oreretako kaleetan. Pikoketa Errepubikazaleen elkarteak egin du deialdia. Alabergatik abiatuta ohiko kalejira egingo dute, 12:45ean abiatuta. Helmuga, Herriko Plaza. Bertan egingo dute ekitaldi politikoa, eta haren ondorengo brindisa eta luntxa.
Pikoketa elkarteko kideek mobilizatzera deitu dute “oinarrizko eskubideak urratu nahi dituzten mugimendu faxista eta erreakzionarioen gorakadaren aurka”. Klima aldaketa ukatu, migrazioa kriminalizatu, eta alarmismoa sortzea egotzi die horiek elkarte errepublikazaleak, baita berdintasunaren aldeko eskubideak kolokan jartzea ere, “osasunaren, pentsioen edo hezkuntzaren sistema publikoak pribatizatu, memoria historikoa lurperatu, eta ezberdintasunak areagotu daitezen defendatzen dute”.
Horren aurrean, gakoa, “errepublika eta bere baloreak” direla adierazi du Pikoketak, “Errepublikaren ezarpenarekin batera eskubide eta zerbitzu publikoak indartuko dira, horiek bermatzeko sistema politiko egokiena baita”.
Kalejiraren ostean, aurtengo omenduek, Chelo Pumar Mendez eta Valeriano Sanchez Garciak ikurrina eta errepublikaren bandera jasoko dituzte Herriko Plazan.
