Turkesa kolorez jantziko da bihar udaletxeko fatxada
Andade Espainiako Anputatuen Elkartearen eskaerari erantzunda, bat egingo du gorputz-adarrak ezberdinak dituzten pertsonen nazioarteko egunarekin. Lezoko Udalak ere bat egingo du.
Gorputz addarak ezberdinak dituzten pertsonen nazioarteko eguna izango da bihar.Andade Gorputz adarrak ezberdinak dituzten pertsonen nazioarteko eguna izango da bihar, larunbata, eta horren harira, Andade Espainiako Anputatuen Elkarteak eskaera egin die erakunddeei egunarekin bat egin dezaten. Hori horrela, bihar, turkesa kolorearekin argiztatuko dute udaletxeko fatxada. Ez da egunarekin bat egingo duen Oarsoaldeko udal bakarra, Andadek zehaztu duenez, Lezokoa ere batuko da iniziatiba horretara turkesa kolorea fatxadara eramanda. Irungo Udalak ere bat egingo du.
Andade elkarteko presidente eta EAEko ordezkari Manuel Quesada Morillasek eskerrak eman dizkie iniziatiba babestu duten udalei. Inizatibaren atzean EXDI aliantza dagoela azaldu du Quesadak: “Hainbat elkarte batu gara horren bueltan, Afanip, San Jordi, Meningitis eta Andade. Irabazi asmorik gabeko elkarteak dira denak. Sortzetiko malformazio edo traumatikoengatik gorputz adarreko anputazioa duten pertsonen senideen elkarteak dira denak”.
Elkarte horiek babesa, eta aholkularitza ematen diete anputazioa izan dutenei lehen unetik. Eguna ez zela ausaz aukeratu azaldu du Quesadak, “apirila aukeratu zen, laugarren hilabetea delako, eta lau gorputz adar direlako”. Gorputz-adarren ezberdintasuna edota anputazioa ikusaraztea “ezinbestekoa” jo du Andade elkarteko presidenteak, “inklusiboak izateaz gain, tratamenduak eta material ortopedikoak hobetzea ekarriko duelako ikusarazteak; horrek bizi kalitate hobetzea ekarriko du”. Bide horretan, “borondatea, interesa eta konpromisoa” eskatu die mandatariei eta osasungintza erakundeei.
