Dantzari Egunean, dantza eta sua
'Elkartasunetik elkarlanera' asteburuaren barruko Dantzari Eguna egiten ari dira gaur Oiartzunen. Bihar, 'Herri libre bat!' Eguna.
Elkartasunetik elkarlanera asteburua izaten ari da Oiartzunen. Gaur, horren barruko Dantzari Eguna ari dira egiten Olarri Dantza Taldeak antolatua. Bihar, berriz, Herri libre bat! eguna izango da (beheko koadro urdinean egitarauak).
Gaurkoari dagokionez, dantzari asko eta sua Elizalde aldean. Izan ere, hainbat dantza taldetako kideek herri girotze ariketa egin dutelako goizean zehar; Kataluniako Banyeres del Penedes (Tarragona) herriko dantzarien taldea ere parte hartzen ari da egunean, euren drac (dragoi euskaraz) eta txinpartekin sua jarri diote goizari. Hala, 11:00etatik aurrera herrigunetik barrena desfilea egin dute dantzariek, ondoren emanaldi bateratua egiteko Done Eztebe plazan, goizeko ekitaldi nagusian.
Hitzetan galdu baino, hobe irudi bidez goizekoen berri izatea. Beraz, jarraian, argazki sorta handia eta bideoa.
'Elkartasunetik elkarlanera' asteburua Oiartzunen. Gelditzen den egitaraua.
Gaur (hilak 12, larunbata). Dantzari Eguna.
- 18:30etan. Dantzaldia Tiriki Trauki fanfarrearekin Done Eztebe plazan.
- 19:00etan. Altzibarren, drac-en emanaldia.
- 21:00etan. Afaria Altzibarko Bazkun Zahar elkartean.
- 22:00etan. Gabezin taldearen kontzertua Done Eztebe plazan.
Bihar (hilak 13, igandea). ‘Herri libre bat!’ eguna.
- 09:00etan. Done Eztebe plazatik, mendi ibilaldia eta euskal ikurrei omenaldia.
- 11:30ean. Herri hamaiketakoa Gurtzen eta drac-aren piztea.
- 13:00etan. Drac-a, Esbarta eta Bastonerak plazan.
- 13:30ean. Bazkaria Girizian.
