Haur, nerabe eta gazteak ahalduntzeko, bi prestaketa saio Pasaian
Maiatzaren 16an eta 29an izango dira saioak, Trintxerpe-San Pedroko Gaztelekuan. Aurrez eman behar da izena.
12-16 adin tarteko haur, nerabe eta gazteei zuzendutako bi prestaketa saio egokitu diru Pasaiako Udalak, Treba Nerabeak aldundiko gazteria Zuzendaritzaren barrukoak. Horien xedea da adin tarte horretan daudenei tresnak eskaintzea ahalduntze prozesuan laguntzeko, eta beraz, euren bizi kalitatean era baikorrean eragiteko. “Haien errealitate eta beharretara egokitutako saioak dira, unean uneko tendentziak kontuan hartuz. Saioak maiatzaren 16an eta 29an izango dira, Trintxerpe-San Pedroko Gaztelekuan. Izena emateko aukera zabalik da hilaren 25etik, eta saio bakoitzaren dataren hiru egun lehenagora arte. Doan dira, baina aurrez tokiaren erreserba egin behar da.
Gaitasun emozionala landuko dituzte Treba Nerabeak programaren barruko bi saio horietan, baita burko osasuneko ohitura osasungarriak landu ere Julen Rodriguez Haur, Nerabe eta Gazteen Sustapenerako zinegotziak azaldu duenez. Arrisku bahiz babes faktoreak ere aztertuko dituzte, eta nerabeek harremantzeko dituzten joeren gaineko gogoeta ere egingo da.
Ondokoak dira bi saioen xehetasunak:
‘Ongizate emozionala: emozioak’ saioa
- Noiz eta non: maiatzaren 16an (ostirala), 17:30etik 19:30era, Trintxerpe-San Pedroko Gaztelekuan.
- Trebatzaileak: Leire Urra eta Carol Palacio.
- Informazio gehiago: baliatu esteka hau.
‘Kuadrillen saltsak: nerabeen arteko harreman sareak’ saioa
- Noiz eta non: maiatzaren 29an (osteguna). 17:00etatik 19:00etara, Trintxerpe-San Pedroko Gaztelekuan.
- Trebatzailea: Beñat Benitez.
- Informazio gehiago: baliatu esteka hau.
