Aldakoeneak udalaren ordutegi berbera izatea proposatu du PSE-EEk
Beraungo udal eraikinak eskaintzen dituen zerbitzuak eta jarduerak indartzea ere proposatu dute sozialistek.
Aldakoenea eraikina. Argazkia: PSE-EE Aldakoenea eraikinak udalaren ordutegi bera izatea proposatu du PSE-EEk. Horretarako mozioa aurkeztu du udalean. Gaur egun astelehenetik ostiralera 08:00etatik 14:00etara dago zabalik Zu! zerbitzua Beraungo udal eraikinean, eta prentsa irakurri, bibliotekan hartutako liburuak itzuli, eta hainbat kultur jardueretan parte hartzeko aukera eskaintzen badu ere, “zerbitzuaren erabilera handitu” daitekeela diote sozialistek.
PSE-EEren ustez, “ez da zentzuzkoa” goiko aldeko auzoetako batean bizi diren bizilagunek “kudeaketak egiteko aukera gutxiago izatea. Desberdintasun hori ezabatu nahi dugu”. Hezkuntza eta kultur jardueren programazioa indartzea ere proposatu dute, tailerrak, ipuin kontaketa saioak, edo irakurketa taldeak. Potentzial handia du Aldakoeneak topagune, kultur eta hezkuntza espazio bihurtzeko”.
