Roberto Mosok 'Puto Boomer' liburua aurkeztuko du Donibanen
Abeslari eta kazetariak bere bizitzaren ibilbidea jaso du 'Puto Boomer' liburuan. Maiatzaren 7an aurkeztuko du, Donibaneko liburutegian, 19:00etan.
Roberto Moso abeslari eta kazetariak Puto Boomer liburua aurkeztuko du maiatzaren 7an Donibaneko liburutegian, 19:00etan. Moso Zarama taldeko abeslaria eta EiTBko kazetaria da, eta bere bizitzaren ibilbidea jaso du Puto Boomer liburuan. Bere bizitza markatu duten pertsonen, gertaeren eta musikaren bitartez, Mosok oroitzapen intimoak bildu ditu. Sarrera librea da, aretoko edukiera bete arte.
Sinopsia: Umorez, sentsibilitatez eta giro onez gainezka, protagonistak bizitako mila istorio, oroitzapen eta sentsazioak kontatzen ditu liburuak, eta zure iraganari buruz egin ahal izan dituzun galdera horiek eta guztiok ezinbestean egin behar dugun perspektiba-aldaketa planteatzen dizkigu: Nola ikusten duzu zure haurtzaroa atzean geratzen denean? Zer gertatu zitzaien gaztetan hainbeste miresten zenituenei? Zuk uste bezain bakarra eta alternatiboa al zinen orduan? Ulertzen dituzu ezagutu zenituen helduak? Belaunaldi berriekin identifikatzen zara?
