Ereintzako Emakume Seniorrak, igoera fasera
Asteburu biribilaren ondotik, igoerarako txartela lortu dute Ereintzako Emakume Seniorrek. Hori zuten denboraldiko erronka nagusia.
Ereintza Bitek taldeko emakumeak partida irabazita.Ereintza Eskubaloi elkartea Igoera fasean lehiatzeko txartela lortze zuten Ereintza Eskubaloi Taldeko Emakume Seniorrek denboraldiko erronka, eta bete dute. Asteburu biribila izan dute Ereintza Bitek taldekoek partida bikainak jokatuta. Larunbateko partidan garaile izan ziren errenteriarrak, 19-15eko emaitza lortuta Leizaranen kontra. Hori horrela lauko finalerako txartela lortu eta atzo jokatu zuten Ereintzakoak Galtzarabordan.
Denboraldiko erronka, partida ikusgarriarekin lortu zuten Urdaibai Bilboats taldearen aurka. Partida lehiatu eta zirraragarria utzi zuten bi taldeek eta ez zuten falta izan zaleen babesa Ereintza Bitek taldeko emakumeek. Horrenbestez, Ohorezko Zilarrezko Mailara igoera fasea jokatzeko bigarren txartela lortuta hori erdiestea dute orain helburu.
Zaleei eskerrak eman dizkiete ereintzako emakumeek atzoko partidan erakutsitako babesarengatik.
Ez dute berria Ereintzako emakumeek Ohorezko Zilarrezko Maila. 2023ko maiatzean igoera erdietsi zuten, baina 2024a, mailaz jaitsi ziren. Orain berriro izango dute gora egiteko aukera, eta ziur, gogor borrokatuko direla goi-goian aritzeko.
