Hitzaldia eta tailerra Emakumeen Etxean
Emakumeen Etxeak zorizko jokoen menpekotasunaren gaineko hitzaldia eta emakume migranteekin ekintzailetzaren gaineko tailerra antolatu ditu hilabete honetan.
Emakumeen Etxean aurretik egindako beste mahai inguru bat. Emakumeen Etxeak zorizko jokoen menpekotasunaren gaineko hitzaldia eta emakume migranteekin ekintzailetzaren gaineko tailerra antolatu ditu hilabete honetan. Hitzaldia asteazkenean izango da, hilak 7, 18:00etan eta menpekotasun horrek emakumeengan duen eragina azalduko du Beatriz Alonso Castro osasun psikologoak eta Ekintza Bibe elkarteko presidentea. Hitzaldia elebitan izango da eta ondoren solasaldirako tartea izango da.
Maiatzaren 21ean 18:00etan Eskola Feministaren ikasturtea bukatzeko jardunaldia egingo dute, eta bertan, ikasturtean Eskola Feministaren barruan egin dituzten ikastaroetan eta tailerretan parte hartu dutenek elkartzeko aukera izango dute elkartu eta hausnartzeko.
Hileko azken hitzordua, tailerrari eskainiko diote. Hilaren 29an izango da 16:30etik 18:30era. Ekintzailetza eta autonomia sustatzeko tailerra emango dute Jatorkin Al-Nahda elkarteak antolatuta. Emakume migranteei zein bertakoei zuzendua da tailerra, gaztelaniaz izango da, eta arabierazko itzulpena egingo dute. Proposamen hezitzaile horren bidez independentzia ekonomikoa bultzatu, bizitza proiektu propioak eraikitzeko tresnak eskaini, eta ekonomia sozial eta solidarioa sustatu ekintzailetza metodo gisa.
Emakumeen Etxeak astelenen eta ostiraletan 09:00etatik 13:00etara ditu ateak zabalik, eta asteartetik ostegunera, berriz, 16:00etatik 20:00etara. Harremanetarako, berriz, 943 44 96 30 telefono zenbakira dei daiteke, edota posta elektronikora mezua bidali (Egin klik hemen).
