Bueltan da udako eskubaloi campusa
Ereintzak eta Munttarpek ondutako udako eskubaloi campusa ekainaren 23tik uztailaren 4ra izango da. Izen emateak ekainaren 2a baino lehen egin behar dira.
Ereintzak eta Munttarpek prest dute beste urte batez udako eskubaloi campusa. Eskualdeko gazteek, hortaz, eskubaloian trebatzeko aukera izango dute udan, bi taldeek ondutako campusari esker. Udalekuek bi asteko iraupena izango dute, eta ekainaren 23tik uztailaren 4ra bitartean izango dira aurtengoak. Lehen astea ekainaren 23tik 27ra bitartean izango da, eta bigarrena, ekainaren 30etik uztailaren 4ra. Saioak Errenteria-Oreretako Galtzarabordako kiroldegian eta Lezoko Bekoerrota kiroldegian izango dira, astelehenetik ostiralera, 09:30etik 13:30era. Elkartze puntua, baina, Galtzarabordako kiroldegia izango da.
Campusa 2012 eta 2016 urteen artean jaiotako gazteei begirakoa da, biak barne. Izen emateak galdetegi bidez egin behar dira, ekainaren 2a baino lehen (ikus karteleko QRa). Izena ematerako garaian, zehaztu beharko da aste batez edo biz arituko diren gazteak. Aste bateko prezioa 85 eurokoa da pertsona bakoitzeko. Bigarren senideak, aldiz, 70 euro ordainduko ditu. Ereintzako eta Munttarpeko bazkide direnek, ohi bezala, abantailak izango dituzte, haien izen emateak 80 euroko kostua izango baitu. Bigarren senideak, berriz, 65 euro ordainduko ditu. Bi asteko hautua egiten dutenek, 140 euro ordaindu beharko dituzte (bigarren senideak 115 euro). Bazkideen izen emateak 130 euroko kostua izango du (bigarren senideak 105 euro).
Informazio gehiagorako, helbide elektronikoa ahalbidetu dute Ereintzak eta Munttarpek.
