Grabni Txapelketak eman duenarekin "pozik" da EPLE
Gipuzkoako selekzioarekin aritu dira EPLEko hainbat pilotari.
Manterola eta Sorondo txapela soinean. Euskadiko Euskal Pilota Federazioa Joan den asteburuan bukatu da federazioen arteko Grabni txapelketa, eta eman duenarekin pozik azaldu da EPLE, “balorazioa positiboa da EPLEko pilotarien parte hartzeari dagokionean”. Gipuzkoako Selekzioarekin aritu dira Errenteria-Oreretako pilota elkarteko zenbait pilotari, “halako ospea duen txapelketa batean ordezkaritza zabala izatea oso onuragarria da gure elkartearentzat, erronkak betetzen jarraitze aldera”.
Eneko Sorondok txapela jantzi zuen 22 urtez azpiko trinketeko eskuz binakakoan Hernaniko pilota taldeko Manterolarekin batera Nafarroako bikotea 40-36 estu batekin irabazita finalean. Sorondok eta Manterolak txapelketa bikaina jokatu dute.
Trinketeko seniorren eskuz banakakoan finalaurrekoetara heldu zen Antton Aranburu, baita Taberna eta Chiapuso kategoria bereko eskuz binakakoan, baina ez batek ez besteek ez zuten garaitzerik lortu Errioxa eta Nafarroaren kontra, hurrenez hurren.
22 urtez azpiko eskuz binakako ligaxkan aritu zen Eneko Aranburu, bestalde.
Ezker paretako seniorren larruzko paletan final aurrekora heldu zen Ruben Pichel Errepala klubeko Brosarekin batera, baian ez zuen bikoteak finalerako txartelik lortu Bizkaiaren kontra galduta.
Yorel eta Estefano seniorren larruzko paleta eta pala motzeko ligaxkan aritu ziren lehiatzen.
