Arkirun, jarduera betean
Pilota eskolako kideak azken partidak ari dira jokatzen. Menkosteetako txapelketak, berriz, martxan.
Iazko mendekosteetako txapelketako finalen irudi bat. Arkirun Lezoko Pilota Kluba galtzak bete lan da azkenaldian. Eskolako kideen partidez gain, mendekosteetako txapelketak abian jarri ditu. Udaberri lanpetua herriko pilota eskolako kideentzat.
Asteburuko partidei dagokienez, herrian lehia bakarra jokatuko dute lezoarrek. Larunbatean (hilaren 10ean) Udaberri Sariko partida jasoko du Koldobike Gezala pilotalekuak, zehazki eskuz binaka ari diren Haurren Bigarren Mailakoena: 11:00etan hasita, Aldaba-Osa bikoteak Behar Zana 4ko bikoari egingo dio aurre. Partida hori izango da fase horretako azken partida maila guztien artean.
Behin Udaberri Sariko lehen fasea bukatuta, hurrengora klubeko Kadeteen Bigarren Mailako Peru Zabala sailkatu dela jakinarazi dute klubeko kideek. “Taldeko beste pilotariek txapelketa bikainak egin dituzte, baina ez dute lortu hurrengo fasera sailkatzea. Zorionak denei!”, esan dute taldearen arduradunek.
Mendekosteak
Bestalde, herrian eragile ere bada Arkirun. Mendekosteetako Txapelketa martxan dute, kategoria guztietako partidak daude abian. Astean zehar ari dira jokatzen hasierako faseetako partidak, eta finalak ekainaren 7an (larunbata) izango direla jakinarazi dute.
