600go zirkuituari agur esan dio Iñigo Iglesiasek
Taldearekin izandako bat-bateko tirabirak medio hartu du erabakia pilotu errenteriarrak, eta Hertrampf Gruppe taldea utzi.
Bat-bateko tirabirengatik agur esan dio ezustean Hertrampf Gruppe taldeari Iglesiasek.Triumph Racing 600go zirkuituari agur esan dio Iñigo Iglesias Bravo pilotu errenteriarrak. Gaur arratsaldean jakinarazi du Triumph Racingek prentsa ohar bidez Hertrampf Gruppe taldearekin ez dela arituko. Horren arrazoia , taldearekin izandako bat-bateko tirabirak.
Joan den asteburuan hasi zuen lehia kategoria horretan Iglesiasek Alemaniako Oschersleben zirkuituan, “zaila izan zen lehen jardunaldi hori eta ondotik bat-bateko tirabirak suertatu ziren taldearekin. Ez ziuren hasiera batean adostutako baldintzak beteko eta alde batera egitea erabaki du pilotuak, maiatzaren 30eko eta ekainaren 1eko Scheilezko zirkuituko lasterketetan parte hartu ahal izateko”.
Tartean bigarren ezusteko bat ere jaso du ordea Iglesiasek, Triumph Racingek adierazi duenez. aurreko taldeko zuzendari Rob Vennegoor erabakia zuen taldea uztea eta Denis Hertrampfekin atzo izandako elkarrizketan azken horrek Spersport taldean ez duela jada lekurik esan zion. Hori horrela etorkizuna aztertzen ari da errenteriarra IDM Nazioarteko Txapelketaren barruan proiektu berri batekin, “hori horrela izango da motorraren munduko pertsona eta eragileen interbentzio azkarrari esker”.
Pilotuak eskerrak eman dizkie bere babesle pertsonalei, taldeari zein taldeko babeslei, eta Triumph markari aurten IDM Suoersport Nazioarteko Txapelketan aurten hasteko egin duten esfortzuarengatik.
Iragarri duenez, Triumph taldearekin jarraituko du Iglesiasek, “egoera berri batean izango da eta epe laburrean jakinaraziko diet zaleei”. Azken horiei ere eskainitako babesa eskertu die errenteriarrak.
