Ander Garaiarrek Gipuzkoa eta Euskadiko errekorrak gainditu ditu
200 metroko abiaduran 20 urtez azpiko kategorian hautsi du errekorra. Gainera, Europako txapelketan lehiatzeko marka eskuratu du.
Ander GaraiarAlberto Benito Pasa den asteburuan Donostiako Anoeta miniestadioan izan zen Haurtzaro Atletismo Taldea Euskadiko 18 eta 20 urtez azpikoen kategorietan lehiatzen, eta pozik itzuli ziren etxera, Ander Garaiarrek 200 metroko abiadura proban 21.12 marka eskuratu eta Gipuzkoako zein Euskadiko errekorrak gainditu baitzituen 20 urtez azpikoen kategorian. Gainera, Europako txapelketan 20 urtez azpiko kategorian 200 metroko proban lehiatzeko marka ere eskuratu zuen.
Horretaz gain, hilaren amaieran eta ekainaren hasieran Fuerteventuran Espainiako Autonomia Erkidegoen Arteko Txapelketa Konbinatuen Probetan lehiatuko da Xuban Yarza San Sebastian atleta.
Euskadiko txapelketan urrezko domina eskuratu zuen xabalina, pisu eta disko jaurtiketan pasa den larunbatean.
Azkenik, Garaiar zein Yarza udan izango den Espainiako Txapelketan lehiatuko dira euren probetan eskatzen ziren marka nazionalak gainditzea lortu baitute biek ala biek.
Yarzak 55,13 metro bota zituen xabalinan, eta Garaiaren 100 metroko abiaduran 10,63ko denbora eta 200 metroko abiaduran 21,12ko denborak egin ditu.
