Gipuzkoako IX. Orientazio ligako laugarren proba, Oiartzunen
Ekainaren 7an izango da proba, eta hiru ibilbide zehaztu dituzte: horia, laranja eta gorria. Izena eman daiteke dagoeneko.
GOT eta BROS klubek antolatuta, Gipuzkoako IX. Orientazio Liga herrikoiko laugarren proba Oiartzunen izango da ekainaren 7an –larunbata–.
Lehiaketa Zentroa eta irteera Oiartzungo Udaletxearen aurrean izango dira; debekatuta egongo da proba baino lehen 17:00etatik 19:30era lehiaketa gunean ibiltzea. Era berean, antolatzaileek jakinarazi dute kiroldegiko dutxak erabilgarri egongo direla 17:00-20:30 artean.
Honakoa izango da ordutegia:
- 16:30. Lehiaketa gunearen irekiera.
- 17:00. Lehen irteerak.
- 19:30. Azken irteerak.
- 20:30. Helmuga itxiera.
Ibilbideak formatu linealean egingo dira, eta hiru aukera daude: ibilbide horia (hastapenak eta familiartekoak), laranja (ez oso teknikoak baina orientazio ezagutzak eskatzen ditu) eta gorria (teknikoa eta sasoi fisiko ona).
Ibilbideen eskala 1 :4000 da, eta hona bakoitzaren informazio gehigarria:
- Ibilbide horia.
- Distantzia: 1500 metro.
- Desnibela: 50 metro.
- Baliza kopurua: 20.
- Ibilbide laranja.
- Distantzia: 3070 metro.
- Desnibela: 100 metro.
- Baliza kopurua: 25.
- Ibilbide gorria.
- Distantzia: 4100 metro.
- Desnibela: 150 metro.
- Baliza kopurua: 28.
Inskribatzeko epea ekainaren 7an itxiko da, eta parte hartzaile guztiek eman beharko dute izena, baita laguntzaile modura doazenak ere.
Izena emateko esteka eta probaren informazio gehigarria, hemen.
