Gizarte eragileei begirako diru laguntza deialdia zabaldu du Lezoko Udalak
Hilaren 24ra arteko epea dute herriko eragileek diru laguntza eskatzeko. Udalaren egoitza elektronikotik egin behar dira eskaerak.
Gizarte zerbitzuen alorrean edo osasunarekin zerikusia dutenetan jarduten duten eragile eta elkarteei bideratutako diru laguntza deialdia abian du Lezoko Udalak. Eskaerak hilaren 24ra arte (larunbata, data hori barne) eska daitezke; eskaera udalaren zerbitzu telematikoen bitartez egin behar da.
“Diru laguntza horiek Lezoko, edota Lezon diharduten, eta Lezoko herritarrei zerbitzua eskaintzen dieten irabazi asmorik gabeko elkarteek eskatu ahal izango dute. Beti ere, horien jarduna gizarte zerbitzuen eremuan edota osasun arloan kokatzen diren ekintzak izan beharko dira”, azaldu du udalak.
Deialdiaren oinarriak ikusi nahi dituztenek, agiri osoa prest du udalak (hemen klik egin horra iristeko, PDF artxiboa jaitsiko da). Bestalde, zalantzarik balitz, Lezok Udaleko Gizarte Zerbitzuekin harremana egiteko aukera dago: 943 52 10 94ra deituz, edo posta elektronikoz.
