Lezoko Euskaraldia indarrez bukatzeko, herri afaria eta mendi martxa
Gaur izango da kantu afaria Ibaiondon, eta igandeko azken trakan mendibueltaz gain, bazkaria eta erromeria izango dira.
Azken txanpan da laugarren Euskaraldia, beraz, Lezon euskararen erabilerari bultzada emateko ekitaldiak ere azkenetan dira. Bi jarduera gelditzen dira egiteko Euskaraldiaren Heri Batzordeak antolatutako egitarauaren barruan: gaur kantu-afaria; eta igandean mendi buelta, bazkaria eta erromeria.
Gaurko kantu afaria Ibaiondon izango da, 21:30ean hasita. Denbora batez han izateko txartelak Tiñelun eta Txingurrin izan dira salgai, eta tiketak ha ez baleude, komeni da herri batzordeko kideekin hitz egitea ea horiek eskuratzerik dagoen.
Igandean, azken ekitaldia, edo hobe esanda, ekitaldi sorta. 09:00etan, eta Gurutze Santuaren plazatik abiatuta, Xoxolurrek gidatutako mendi martxa egingo da Jaizkibeldik zehar, hango euskal izenen jatorria ezagutzeko; 11 bide, 11 txoko, 11 euskal izen lelokoa da mendibuelta. Jaizkibelen gozatu ostean, herri bazkari autogestionatua egingo dute Gurutze Santuaren plazan, eta arratsaldean (17:00), Imuntzok eta Belokik erromeria giroa ekarriko dute herrira.
