Sindikatuek hartuko dute errepresaliatuen eskubideen aldeko lekukoa
ELA, LAB, ESK eta STEILAS sindikatuek Etxerat elkartearekin eta Sare Herritarrarekin batera antolatutako azken ostirala ohi bezala 19:30ean abiatuko da Herriko Plazatik.
Euskal presoak etxeratzea eskatzeko banderola Errenteria-Oreretako balkoi batean. Azken Ostiraleko dinamikarekin jarraitzen dute Sare Herritarrak eta Etxerat elkarteak. Ez dira euskal errepresaliatuen aldeko bi eragileak bidea bakarrik egiten ari, herriko elkarte eta kolektibo askotarikoen eskutik ari baitira euskal preso, iheslari eta deportatuen eskubideen aldeko aldarria, eta salbuespen neurriak ezabatzeko eskaera zabaltzen lau haizetara.
Hileko azken ostiralarekin batera kalera aterako dira gaur berriro; honakoan sindikatuek hartuko dute lekukoa. ELA, LAB, ESK eta STEILAS sindikatuek Etxerat elkartearekin eta Sare Herritarrarekin batera antolatutako azken ostirala ohi bezala 19:30ean abiatuko da Herriko Plazatik.
Sindikatuetatik preso, errefuxiatu eta iheslarien eskubideak errespeta daitezen, salbuespen legedia bertan behera utzi eta lege arrunta aplika dadin lanean jarraituko dutela adierazi dute.
Datorren hileko azken ostirala, ekainekoa, Kuirdinadora eta LGTBI+ Mugimenduaren eskutik.
Orereta-Errenteriako Sarek herritar guztiak deitu ditu Azken Ostiralarekin bat egitera.
