Konspiratzen jarraituko dute
Emakumeen Etxeak sei urte bete ditu eta gaur ospatu dute gogotik. Leku seguru, komun eta kolektiboan konspiratzen jarraitzeko prest azaldu dira.
Emakumeen Etxearen seigarren urteurrenaren harira, bazkaria. Sei urte bete dira Emakumeen Etxeak ateak zabaldu zituela. Horra iristeko bidea baina, luzeagoa izan da, eta orain bederatzi urte hasitako lanek amesten zuten leku seguru, komun eta kolektibo sendo bat eman die.
Kalejira musikatuarekin hasi dute ospakizuna eta bazkaria egin dute ondoren Emakumeen Etxearen kanpoaldean 70 bat lagunek. Bazkal aurretik hartu dute hitza Emakumeen Etxeko batzordeko bi kidek. Emkumeen Etxea elkar ikusteko, sentitzeko eta patriarkatuaren kontra konspiratzeko espazio gisa definitu dute, eta horretan segitzeko asmo betea adierazi. Duela sei urte. Amets zuten espazio hori egi bihurtu zutela ekarri dute gogora duela sei urte, eta etxea zituzten deasio horiekin bete dutela.
Lana dute aurrerantzean, hala esan dute, “orain, 2025ean zeregin gehiago tokatzen zaizkigu: etxea aireztatzea, amaraunak garbitzea eta, batez ere, jarraitzeko moduari buruzko balantze serioa egitea”.
Egungoak “garai arraroak” direla ere esan dute, “kontsumismo eta indibidualismo garaiak”. Horren aurrean, aukera garbia egin dute: elkartasun eta laguntza sareak ehuntzea, “emakumeok beti ezagutzen baitugu uretara daraman bidea, badakigulako elkarrekin geldiezinak garela”.
Deia bukatzeko, Emakumeen Etxean parte hartzera, “sortzera, hausnartzera, eta zergatik ez, amets egitera”.
Karaoke betea ariko dira une honetan, eta pintxada feminista helduko da ondoren.
Ondoko argazkiak, bazkarian egin ditu HITZAk.
