Urtean egindakoaren uzta, erakusketara
Erakusketa antolatu dute Xenpelar tailerrek aurten ere. Gaur zabalduko ditu ateak Merkatuzarreko Jose Luis Caso aretoan, 19:00etan.
Gaur zabalduko dute erakusketa. Erakusketa antolatu dute Xenpelar tailerrek aurten ere. Gaur zabalduko ditu ateak Merkatuzarreko Jose Luis Caso aretoan, 19:00etan. Erakusketa gaur aurkeztu du Maite Gartzia Kultura zinegotziak Xenpelar tailerretako koordinatzaile eta irakasleetako batzuekin batera, baita datorren ikasturteari begirako matrikulazio kanpainaren berri eman ere.
Hilaren 17ra arte bisitatu ahal izango da erakusketa. Ikusteko asko, eta diziplinak ere ugari. Zeramika, argazkia, pintura, zaharberritutako altzariak, patchworka, egur tailaz sortutakoak… ikasleek urtean zehar egindako lanen lagin bat bildu dute bertara, eta astelehenetik larunbatera bisitatu ahalko da 17:00etatik 20:00etara.
Datorren ikasturterako prestatu duten eskaintzaren berri ere eman du Gartziak: helduei zuzendutako urte osoko edo lau hileko ikastaroek osatuko dute, astean 2 eta 6 ordu bitarteko iraupenarekin. Diziplinei dagokionez, pintura, zeramika, argazkilaritza, egur taila, altzarien zaharberritzea eta patchworka izango dira aukerak.
Berrikuntza gisa, lau hileko eskaintzaren barruan bi pintura-ikastaro berri izango dira: Naif estiloan margotzen eta Ikatz marrazketa. Matrikula egiteko, bi aukera izango dituzte interesdunek:Irailaren 1etik 12ra webgunearen bidez (klikatu hemen). irailaren 8tik 12ra, berriz, presentziala egiteko aukera izango da Zu! Arreta zerbitzuan, udaletxean edo Aldakonean. Horretarako, aurretiko hitzordua eskatu beharko da irailaren 4etik 12ra 943449600 edo 010 telefonoetara deituta.
