"Oso zaila izaten ari da eguna, baina elkargunera heldu gara"
Rafahrako Martxak aurrera jarraitzen du. Arratsaldean zehar jende ugari atxiki duela poliziak azaldu du Maite Gartziak eta Kairora (Egipto) itzularazten ari direla. Berak elkargunera iristea lortu du.
Maite Gartzia eta Alberto Villarreal sare sozialen bidez zabaldu duten bideoan. Rafahra heltzeko bidea zaila izaten ari da oso. Pasabide hori zabaltzea eskatzeko ehunka ekintzaile elkartu dira Kairon. arazoak izan dituzte hasiera-hasieratik, ahietako asko eta asko aireportuan bertan atxiki zituztelako heldu bezala, eta beste asko hoteletan atxilotu dituelako Egiptoko poliziak. Maite Gartzia Ontiveros, Podemos Euskadiko koordinatzaile nagusiaren albokoa eta Errenteriako Udaleko Kultura zinegotzia bertan da eta antolakuntzak zer erabaki zain zen beste ekintzaileak bezala martxak aurrera egingo zuen edo ez jakiteko. Gaur goizean bertan erabaki dute aurrera egitea, eta orduan abiatu dira ekintzaileak Rafahra eramango dituen martxa abiatzeko elkargunera.
HITZAri jakinarazi berri dio Gartziak elkargunera heltzea lortu duela. Eguna oso zaila izaten ari dela azaldu du errenteriarrak, “ekintzaile ugari atxilotzen ari da polizia autopistan bertan. Poliziaz lepo dago guztia. Taxia eta bide alternatibo bat erabili dugu elkargunera heltzeko. Lortu dugu iristea, baina autobusak hemen egon behar bazuten ere, momentuz behintzat ez da bat bera ere heldu eta poliziaz lepo dago inguruan”.
Pozik azaldu da Gartzia, martxa aurrera doalako. Rafahko pasabidera heltzea dute helburu ehunka ekintzaileak bertan den laguntza humanitarioa Gazara sartzen utz dezaten.
https://x.com/maite_gartzia/status/1933565428040937729
