Ikusi eta entzuteko ugari, Herri Arte Eskolako ikasleen eskutik
Ikasturte amaierako emanaldiak egingo dituzte gaurtik hasi eta hilaren 23ra arte.
Herri Arte Eskolako musika ikasleen artxiboko irudia. Argazkia: Herri Arte Eskola. Bukatzear dute ikasturtea Herri arte eskolako ikasleek, eta horri begira, emanaldi ugari antolatu dituzte gaurtik hasi eta hilaren 23ra arte. horietan ikasturtean zehar ikasitakoak agerian jarriko dituzte eta bertaratzen diren guztiak gozarazi.
Diziplina askotakoak izango dira ikasturte amaierako emanaldien protagonistak: antzerkia, arte plastikoak, dantza, hitza, eta musika. Denera, 16 emanaldirekin gozatzeko aukera izango da. Ikasturtea itxi eta udarari harrera egingo diote horien bidez.
Herri Arte Eskolako ikasleen emanaldiak
Gaur, astelehena:
- 18:00etan Pop Rock Taldea, Herri Arte Eskolako Entsegu gelan (111)
- 19:30ean Antzerkia (helduak), Niessen Kulturguneko Auditorioan
Bihar, asteartea:
- 18:00etan Haize ikasleen emanaldia, Herri Arte Eskolako Entsegu gelan (253)
- 18:00etan Antzerkia (haurrak eta gazteak), Niessen Kulturguneko Auditorioan
- 19:30ean Perkusio taldea eta helduen entzunaldia, Herri Arte Eskolako Entsegu gelan (111)
Etzi, asteazkena:
- 18:00etan Ahots entzunaldia, Herri Arte Eskolako Entsegu gelan (253)
- 19:00etan Dantza diziplina guztien emanaldia, Niessen Kulturguneko Auditorioan
Etzidamu, osteguna:
- 17:30ean eta 18:30ean Piano ikasleen emanaldia, Herri Arte Eskolako Entsegu gelan (111)
- 18:00etan Hari instrumentuen emanaldia eta Orkestra Txikia, Herri Arte Eskolako Entsegu gelan (253)
- 19:00etan Banda Txikia eta Banda Gaztea, Niessen Kulturguneko Auditorioan.
Hilaren 20a, ostirala:
- 18:00etan Trikitilariak eta Panderojoleak, Zumardiako Kioskoan
- 18:00etan Hari instrumentuen taldea, Gitarrak eta Jazz Konboak, Niessen Kulturguneko Auditorioan
- 20:00etan Erromeri taldea (helduak), Zumardiko Kioskoan
- 22:30ean: 6etzi (Betzi) Erromeri taldea (gazteak), Zumardiko Kioskoan
Hilaren 22a, igandea:
- 12:30ean Orkestra, Madalena Basilikan
Hilaren 23a, astelehena:
- 19:00etan San Juan bezperako Soka Dantza, Herriko Plazan
Sarrera librea da ikuskizun guztietan, aforoa bete arte, Niessen Kulturgunean egingo direnen kasuan izan ezik. Azken horietan, beharrezkoa da aldez aurretik gonbidapena eskuratzea.
