Astillero, edo KAE1 Ligara igotzeko lehen geltokia
Larunbatean hasiko du denboraldia Hibaikaren Gizonen traineruak. Astillero (Kantabria, Espainia) izango dute lehen probalekua errenteriarrek.
Senior Gizonak Hibaikaren traineru aurkezpeneko irudi batean. Indar neurketa aurretik egindako estropadatan hasi badute ere, asteburutik aurrera kontatuko du egindako lanak. Helburua argi du Dani Cobjuck Hibaika arraun Elkartearen Gizon Seniorren entrenatzaileak, maila igotzea.
Joan den ostegunean egindako traineruen aurkezpenean helburuez mintzatu zen Cobjuck, “oinarri nahiko sendoarekin utzi zuen taldea aurreko entrenatzaileak—David Iglesias Albisu—eta helburuei begira banderak irabaztea eta kategoria igotzea dugu erronka”. Labur eta zehatz entrenatzailea, eta erronkak betetzeko aukera handiak direla sinetsita, “%80 batean aukerak ikusten ditut maila igotzeko eta KAE1 Ligara pasatzeko. Arraunlariek eskatzen zaienari jaramon egiten badiote sinistuta nago igotzea dugula”.
KAE1era igotzeko lehen geltokia, larunbatean, Astillero (Kantabria, Espainia). Astilleroko itsasadarrean izango da estropada; kale bakarreko lau luzeko erlojupekoan 3 itsas milia (5.556 metro) egin beharko dituzte.
Irteera hurrenkera ere erabakita dago, zozketa egin ondotik: Busturialdea izango da irteten lehena, ondoren Hibaika, hirugarren Lutxana, laugarren Laredo, bosgarren Orio eta seigarren Portugalete.
Estropada hemen klik eginda ikus daiteke 12:00etatik aurrera. Lehenik ETELigakoak ariko dira, gero KAE2Ligakoak eta azkenik KAE1ekoak.
Hibaikaren Senior Gizonak
- Oier Aierdi Gurpegui
- Eneko Aramendia Bartolome
- Itzurun Aristi Zarate
- Aratz Bergara Kortadi
- Nerea Curto Velo (patroia)
- Javier Erro Martinez
- Alejandro Fariña Roma
- Adur Ferradas Aizpurua
- Oier Gallastegi Rodriguez
- Iraitz Lamana Lopez de Uralde
- Edgar Leal Mendez
- Aitor Legorburu Gomez
- Anxo Murua Duran
- Jose Antonio Pereira Da Silva Maia
- Ander Plata Gomez
- Ander Recondo Herrero (patroia)
- Liher Saiz Zarate
- Endika Sanz Martinez
- Jordi Triadu Dominguez
- Ander Urtasun Osacar
- Ibai Vaquero Legara
Entrenatzailea: Dani Cobjuc
