Fanderia jaietan murgilduko da asteburuan
Astelehenera arte luzatuko dute egitaraua San Juan suaren bueltan jaia egiteko.
San Joan sua izango da gaur jaietako protagonista Fanderian. Bete-batean da auzoetako jaien aroa, eta asteburu bakarrean bi auzotan izango da zer gozatu: Galtzarabordan eta Fanderian. Fanderian bihar, ostirala, piztuko dute suzia jaietan murgiltzeko 18:30ean.
Hortik aurrera, lau egun jaiez gozatzeko. Izan ere, San Juan sua merezi bezala ospatzeko, astelehenean ere antolatu dute egitaraua. Haur, gazte zein helduei begirako askotariko ekintzak ondu dituzte, tartean, lehiaketak, kirolak, danborrada, erremonte partida auzoko pilotalekuan, eta musika.
Auzotarrak, zein auzotik kanpokoak ere parte hartzera eta gozatzera deitu ditu jai batzordeak.
Bihar, ostirala
- 18:30 Txupinazoa. Fanderiako jaien hasiera.
- 19:00 Buruhandiak auzoaren inguruan, Gaztañoko Auzo Elkartearen parte-hartzearekin.
- 19:15 Txokolatada, Errota Tabernak eta Fanderia Okindegiak babestua.
- 19:15 Patata-tortilla lehiaketa Errota Plazan, tortillak entregatzeko ordua 18.45 eta 19.15 tartean. Partaide guztiek geroko pintxo-poterako 3 BALE jasoko dituzte. Irabazleak Gamon 14 tabernak emandako bazkari bat lortuko du (bi pertsonentzat). Aurten, goi-mailako epaimahaia izango dugu, Josema Azpeitia kazetari gastronomiko eta patata tortillaren fanatikoa.
- 19:30 KDP txaranga, pintxo-poteko giroa animatzeko.
- 19:45 Herri-pintxo-potea Errota Plazan. Hiru pintxo ezberdin izango ditugu: patata-tortilla, txorizo egosia eta pintxo donostiarra. Edateko ura edo sagardoa, euro baten truke.
- 22:00 berbena Orquestra Digital & Ana taldearen eskutik, dantzatzeko eta disfrutatzeko.
Etzi, larunbata
- 10:00 Futbol 5 txapelketa, Fanderiako futbol zelai txikian. Bi talde (2012 eta 2013-14), 10 minututako partidoak.
- 11:30 Buruhandiak auzoaren inguruan, Gaztañoko Auzo Elkartearen parte-hartzearekin.
- 12:30 Larunbat eta igandean, Errenteriako eraikinen maketen erakusketa Burdiñola Tabernan,gure auzoko bizilagun batek sortuak.
- 11.45-13.30Haur-jolasak eta margo lehiaketa Errota Plazan. Haur guztientzako goxokiak egongo dira; gainera, “Kids & Us” ingeleseko akademiak aurpegi margoketa eta sari-tombola izango ditu.
- 13:00Dardo eta Rana txapelketa, sari zoragarriekin. Carrocerías Igor, Fanderia Okindegia,Errota Taberna, Burdinola Taberna eta Izen Gabe Tabernak babestua.
- 16:30Futbolin Txapelketa Errota Plazan, Izen Gabe Tabernak babestua.
- 18:00Erremonte partida frontoian.
- 18:30Danborrada auzoan zehar (heldu, gazte eta haurrentzat).
- 20:00Tardeoa, DJ Ikerren eskutik, martxa giroa has dezan.
- 21:30-23:30Herri-afaria Errota Plazan.Antolatzaileek mahaiak eta aulkiak herritarren esku jarriko dituzte. Bakoitzak bere afaria jaitsiko du. Sagardo dastatzea, Petritegi Sagardotegiak babestuta. Animatzen zaituztegu!
- 23:30tan mahai eta aulkiak jasoak egon beharko dira. Aurrez aurretik, eskerrak ematen dizkizuegu lagunduko gaituzuen guztiei.
- 23:00Zezensuskoa auzoan zehar.
- 23:00 Berbena DJ Ikerren eskutik, guztiok mugitzeko!
Igandea, hilak 22
- 10:30Animazioa auzoan zehar, Errenteriako Udal Txistulari Bandaren eskutik.
- 11:30 Toka eta Bote txapelketa Errota Plazan (adin nagusikoentzako), Jose Mari Harategiak babestua.
Inskripzioa 12:00tan itxiko da. - 12:00 COCO Dantza Akademiaren erakusketa.
- 13:30 Diziplina guztietako garaikurren banaketa eszenatokian.(Patata-tortilla lehiaketa, pintura-lehiaketa, dardoak, futbito txapelketa, etab.).
- 17:00Apar-festa, Krokis dendaren zonaldean.
- 18:00 Bingo Musikala, sari askorekin!
- 19:00 Igara Roosters musika taldearen emanaldia, bere musikaz gozatzeko.
Astelehena, hilak 23
- 22:00 San Juan sua piztea.
- 23:00 Zezensuzkoa auzoan zehar.
- 23:15 Jai amaieraren traka.
Bukatu dira!!!
Jai Batzordetik eskerrak eman nahi dizkiegu norbanako eta iragarle guztiei, jai hauek aurrera eraman ahal izateko egin duten ahaleginagatik.
Behar izanez gero, programan aldaketak egiteko aukera izango dugu.
