"Jarraitu Palestinaz eta sufritzen ari diren genozidioaz hitz egiten"
Gazarako Martxan parte hartzen ari ziren ekintzaileek Tunisiara joko dute, blokeoaren bukaera eskatzeko.
Kairotik Tunisiara dozela ekintzaileak azaldu du Maite Gartzia errenteriarrak. Rafahko pasabidea zuten helmuga eta hara ez dute lortu iristea. Pasabidea zabaldu eta bertan geldituta dagoen laguntza humanitario guztia Gazara sartzea exijitzea zen helburua. Izan ere, Israelen eraso militarrak ari dira gazatarrak hiltzen, baina baita gosea edota gaixotasunei aurre egiteko botiken falta ere. Israel ezartzen ari den “blokeo kriminal” hori bukatzea dute helburu Gazarako Martxan parte hartzen ari diren milaka ekintzaileek.
Egipton egitekoak ziren ekintzak agortuta, Tunisiara bidean dira orain ekintzaileak. Hala zabaldu du sare sozialen bidez martxan parte hartzen ari den Maite Gartzia Podemos Euskadiko Koordinatzaile Nagusiaren ondokoak. Bertan Sumid konboiarekin eta flotillako kideekin bat egingo dutela azaldu du sare sozialen bidez zabaldutako mezuan errenteriarrak. Kairotik (Egipto) egin ditu adierazpen horiek, “lanean jarraituko dugu Gazari ezarritako blokeo kriminala saltzen. Gaur bertan harrera egingo zaio Tunisian Sumid konboiari, eta bihar agerraldia antolatu da. Larunbatean hainbat bilera egingo dira, eta igandean berriz, astero AEB Ameriketako Estatu Batuen enbaxada aurrean deitzen den elkarretaratzearekin bat egingo dugu ekintzaileok”.
Eskaera luzatu du Gartziak: “Segi Palestinaz hitz egiten, segi aipatzen sufritzen ari diren genozidioa. Ez isildu, isiltasun horrek konplize egiten gaituelako”.
