Klima larrialdia udaletxera eraman dute Lezo Institutuko ikasleek
Agenda 2030 egitasmoaren barruan ikasturtean zer egin duten azaldu diete udal agintariei institutuko ikasleek.
Ikasleak, udaleko kideei azalpenak emateko unean.Lezoko Udala Urtero-urtero ikasturtean landutakoak udaletxera eramaten dituzte Lezo Institutuko ikasleek. Zehazki, Eskola Agenda 2030 egitasmoaren barruan egindakoak. Azalpenak ematen dizkiete udal agintariei, sortu dutenaz gaindi, proposamenak eta ekarpenak helarazteko. Ikasleek aurten ere ez dute hutsik egin. Azalpen sorta eman zieten atzo (asteazkena) Mikel Arruti alkateari eta Leire Beteta Ingurumen teknikariari. Zehazki, klima larrialdiaren gai zabalaren barruan, zehazki Lezoko parkeak izan dituzte aztergai herriko gazteek.
Egindakoaren ondorioen berri eman zieten udal ordezkariek Institutuko kideek. Behar eta proposamenen artean, parkeetan itzalguneak behar direla, mantenu lanak maizago egin behar direla, edo uraren erabilera are gehiago neurtu behar dela. Arrutik eta Betetak adi-adi entzun zituzten ekarpenak, eta eskerrak eman zizkieten ikasleei azaldutako ardura eta erantzukizunagatik.
Hala, parkeen alorrean udala lanketa zabala egiten ari dela azaldu zieten udaleko kideek gazteei, eta eraldaketa prozesu horretan aintzat hartuta daudela ikasleek iradokitako hainbat ideia. Mikel Arruti: “Herriaren zaintza zuen zereginen artean dago, eta zuengandik ekarpenak jasotzeak garrantzia handia du Lezoko Udalaren prozesuetan. Poliki-poliki proposamen horiek lantzen joango gara eta egin beharreko lanak hastea aurreikusita daude”, adierazi zien alkateak.
Lezo Institutuko ikasleak eta udal agintariak, udaletxeko balkoi nagusian.
